يا ما مشيت و إنبسطت
يا ما بافكاري سرحت
لبست تِعطرت و كِشخت
يا ما على الكوشات يِلست
غنيت و لعيونهن نشدت
هاجمت دافعت و إنجرحت
حاربت هادنت و إنسحبت
دافنت و الظالم ظِلمت
ما أنكر أحيانا شردت
بس كنت بطل و ما خذلت
صحيح ضربت و إنضربت
بس ما إنكسرت دائم ربحت
أَبهرت قلوبهن ثَم مِلكت
يا زين ما شفت و رُوَحت
وَردٍ أكلت عَسلٍ شِربت
سكران على المَرمَر مسحت
يا ما سهرت نجم عِدَتّ
بَسمه على وَيهي رسمت
على كل بستان خِطفت
من كلِ نوع الورد قِطفت
في الروضة وياهن لعبت
مرت سنين و ما شبعت
أحلى لعب حتى إن خِسرت
آه لو بس ما خِجَلت
هذي البداية و إنطلقت
و بِغِزر الغَريزة إنغِرَزت
إل كِل شيء فيها إنجذبت
إن قلت مسحور؟ ما كذبت
ما شفت أنثى و ما إنبهرت
سبحان ربي من خلقت
دونها الأغاني ما حِلَت
دونها القصايد إمصخت
كل حلوة بالأفلام عِشَقت
و الحلو و الأبطال كرهت
مسكينه عيني لإبصرت
ما أَفقَرها إيدي لإقصرت
و هاذي من أحلامي إظهرت
و قصة جميلة إتحققت
و أبرئ قصيدة إتسطرت
و إلها بِدَأت و منها ختمت
